Maraming dahilan kung bakit naghihintay ang tao. Sa kahit anuman dahilan pa ito, ang tao ay sadyang matiyaga.

Matagal na din akong nahinto sa pagsulat ng ganitong mga wala kwentang bagay. Parang pagmamahal, paulit-ulit. Nakakasawa. Masasaktan ka, luluha, magpaparaya, masasaktan ulit. Hanggang sa dumating sa puntong ayaw mo na siyang mahalin.

Maghihintay ka nalang ng tamang oras at tamang panahon para sa inyong dalawa.

Parehas kayong naghihintayan. Walang kasiguruhan at katotohanan kung kayo parin talaga sa isa't isa?

Bakit nga ba naghihintay ang tao?

..dahil ba mahal niya ito?

O dahil lamang sa pangakong kanyang binitawan? Gusto lamang ba niya itong tuparin alangalang sa kanilang sumpaan? Pag-ibig ba ito?

Nagtataka ako kung bakit naghihintay ang tao kung sa gayun naman ay walang kasiguruhan?

Mahal mo ba ako?

Siguro. Oo. Hindi. Nagkamali na nman ba ako sa aking desisyon? Paano na ang aking pangako? saan na napunta?

Mahirap magdesisyon. (Super)

Sino ang pipiliin ko, yung taong minahal ko na ng lubos at nagpapsaya sa aking damdamin? O ang taong handang magbago at itama ang kanyang pagkakamali at maghihintay kahit gano pa katagal? Dahil gusto niyang ipagpatuloy ang aming nasimulan?

Ayokong mamili. Mahal ko sila parehas. May mga pagkakataong gusto ko na bumitaw at sumuko. Pero para saan pa?

Bakit nga ba naghihintay ang tao?

..dahil may kapalit itong kaligayahan?

9months ang hinihintay ng isang ina upang lumabas ang kayang munting sanggol. Siyam na buwan itong inaalagaan at iniingatan. Hindi siya sigurado kung mabubuhay ba ito o hindi.

Maghihintay na lang ba ako na mawala ang nararamdaman ko sa kaniya?

Ayokong may masaktan sa kanila.

Minahal ko sila sa magkaibang paraan. Subalit naging kame sa parehong dahilan.

Sa oras na ito, ayoko ng magmahal. Gusto ko ng muling gumising sa katotohanan. Maraming tao ang nasasaktan.

Marami din ang nahihirapan. Para sa ikabubuti ng lahat, wala na lang akong pipiliin sinoman sa kanilang dalawa.

Hindi hihinto ang aking buhay. Patuloy itong iikot. Wala akong magagawa.

Ako ay tao lang at may kahinaan. Lahat tayo ay may kanya-kanyang pag-uugali.

Hindi kita masisisi kung bakit ka galit sa akin. basta ako masaya.

Gagawin ko ang tama. sana ito na ang paraan na pinakamaganda ang MAGHINTAY..

sa WALA. :(

Ikaw? Bakit ka naghihintay?..